Her kan du lesa referat frå årsmøtet i Voss mållag 24. februar 2025 – og årsmeldinga vår for 2024.
Årsmøte i Voss mållag
Dato: 24. februar 2025, kl. 19.00
Stad: Voss gymnas
REFERAT
9 medlemer møtte til møtet.
Innleiing
Innleiing ved nestleiar i Noregs Mållag, Live Havro Bjørnstad.
Noregs Mållag vil stilla krav til dei politiske partia i samband med Stortingsvalet 2025, og leggja spesiell vekt på:
- Grunnlovsfesting av jamsetting
- Obligatorisk sidemål i vidaregåande skule
- Digitalisering – KI
Live leiar arbeidet med nytt arbeidsprogram som skal leggjast fram på landsmøtet i 2026. Det var ingen merknader til innkallinga.
Sak 1. Val av møteleiar, referent og to til å skriva under protokoll
Møteleiar: Nina Mork Brunvoll
Referent: Marit Hafting
Til å skriva under protokollen: Kristian Østrem og Inge Hommedal
Sak 2. Årsmelding 2024
Merknader: Ingen
Vedtak: Årsmeldinga vart godkjend
Leiar las opp årsmeldinga, og dei som ville ha utskrift kunne få dette etter møtet. Årsmeldinga vert lagt ut på heimesida.
Sak 3. Rekneskap
Merknader: Ingen
Vedtak: Rekneskapen vart godkjend
Styret i Voss mållag har søkt Voss Sparebank om 50 000 kroner til stønad til Mål- og litteraturkaféen Johannes for inneverande år.
Sak 4. Innkomne saker
Ingen
Sak 5. Representasjon frå Voss mållag
Årsmøte i Hordaland Mållag på Sotra 4.-5. april: Ingen på årsmøtet melde seg.
Representasjon der vert ei sak for det nye styret.
Sak 6. Planar for komande arbeidsår
- Halda fram med «Johannes»
- Arrangera Målblomen for 6. klasse i Voss herad
- Samarbeida med Voss lyrikklag om arrangement 20. mars med Kristin Straume i samband med Poesiens dag.
Sak 7. Val
Innstillinga frå leiar i valnemnda Knut Farestveit vart vedteken:
Styre:
- Leiar Inge Draugsvoll, vald for eitt år (til 2026)
- Linda Hjeltnes, ikkje på val (til 2026)
- Marit Hafting, attval for to år (til 2027)
- Inge Hommedal, attval for to år (til 2027)
- Nils Kvamsdal, vald for eitt år (til 2026)
Varamedlemer:
- Anne-Siri Bauthus Undeland, vald for eitt år (til 2026)
- Odin Gunnar Lavik, vald for eitt år (til 2026)
- Marit Seim, ny, vald for eitt år (til 2026)
Revisor:
- Ragnar Karevoll, attval for eitt år (til 2026)
- Snialvur Joanesarson, vara til revisor, attval for eitt år (til 2026)
Innstillinga frå styret vart vedteken.
Valnemnd:
- Eirik Helleve (til 2026)
- Sidsel Vinsand (til 2027)
- Kristian Østrem, ny, vald for eitt år (til 2026)
Nina Mork Brunvoll vart takka av som leiar i to år, etter fleire år i ulike verv før det.
Voss, 27. februar 2025
Inge Hommedal – Kristian Østrem (sign.)
Årsmelding kalenderåret 2024
Årsmøtet vart halde på Voss gymnas 27. februar 2024. Årsmelding og rekneskap vart godkjent. Desse endringane i lovene for Voss mållag vart vedtekne:
- § 5 Årsmøtet vel revisor med vara.
- § 7 Valnemnda kjem med framlegg til årsmøtet om nytt styre og revisor med vara.
Styret har vore samansett slik:
- Leiar: Nina Mork Brunvoll (attval for eitt år, til 2025)
- Nestleiar: Linda Hjeltnes (til 2026)
- Kasserar: Inge Draugsvoll (til 2026)
- Skrivar: Marit Hafting (til 2025)
- Styremedlem: Inge Hommedal (til 2025)
Varamedlem:
- Nils Kvamsdal (attval, til 2025)
- Anne-Siri Bauthus Undeland (attval, til 2025)
- Odin Gunnar Lavik (til 2025)
Revisor:
- Ragnar Karevoll (attval, til 2025)
- Sniolvur Joanesarson (attval, til 2025)
Valnemnd:
- Knut Farestveit (attval, til 2025)
- Eirik Helleve (attval, til 2026)
- Sidsel Vinsand (ny, til 2027)
Lagsarbeid
Det har vore fem styremøte, tre i vårhalvåret og to i hausthalvåret. Styret har mellom anna arbeidd med desse sakene:
Oppstart av Mål- og litteraturkaféen «Johannes» på Tre Brør
Etter initiativ frå Nils Kvamsdal har Voss mållag hatt tre arrangement i kjellaren på Tre Brør med Mål- og litteraturkaféen «Johannes». Planen er å ha eit arrangement ca. ein gong i månaden frå oktober til april. Hausten 2024 var det to kveldsmøte og eit føremiddagsmøte. Nils Kvamsdal er programansvarleg i samarbeid med Gunnstein Akselberg. Tilskipingane vert finansiert med inngangspengar (150 kr) og sponsing.
Voss mållag har fått restopplaget av «Gjendiktingar» av Johannes Gjerdåker som vert nytta som gåver til gjestane som ikkje tek honorar.
Kafeen vart gjort kjend gjennom pressekonferanse 10. oktober med etterfylgjande oppslag i Hordaland, med annonse i Hordaland, plakatar og Kulturbeitet/Friskus. I tillegg har medlemmene i Voss mållag fått melding om arrangementa på e-post.
Arrangement hausten 2024
- Torsdag 17. oktober: Gjestane Siri Sunde (samtale om boka Mellom kirken og kjærligheten) og Berit Opheim, song
- Torsdag 7. november: Gjestane Øystein Hellesøe Brekke (om Bryggen i hansatida) og Alf Tore Hommedal
- Laurdag 9. desember: Tilskiping på føremiddagen. Fritt tilgjenge for vaksne og born. Akselberg kåserte om joletradisjonar og Astri Sudmann dramatiserte jolefortellingar.
Arrangementa hausten 2024 fekk god omtale, og det møtte 40–50 kvar gong.
Norli bokhandel, Ullestad, har vore til stades og seld dei aktuelle bøkene på arrangementa.
Verving
Me har stand på alle Johannes-arrangementa.
Høyringsinnspel
Voss mållag har sendt høyringsinnspel til heilskapleg skulestruktur for Vestland fylkeskommune. Me oppmoda Hordaland mållag om også å sende, noko dei har gjort.
Representasjon
Nina Mork Brunvoll, Marta Nagel-Alne og Linda Hjeltnes representerte Voss mållag på årsmøtet i Hordaland mållag på Ullensvang Hotell 2.–3. mars.
Nina Mork Brunvoll, Knut Farestveit og Marit Hafting deltok på landsmøtet i Noregs mållag i Trondheim 19.–21. april.
Kontakt med Språkrådet om ny språklov og prioriterte oppgåver
Avdelingsdirektør Margrethe Kvarenes ville hjelpe oss og sjå på utfordringane som kjem med ny språklov, til dømes om læreplanar på nynorsk i vidaregåande skule og giro på nynorsk frå Idrettsforbundet. Sjå vedlegg med e-postkorrespondansen om læreplanar på NN. Inge Hommedal arbeider for større språkmangfald i Norges idrettsforbund.
PR, Facebook og annan kommunikasjon
Me brukte e-post og SMS til alle medlemer, i tillegg til Facebook og nettsida for å reklamera for «Johannes».
Målpris/Målblom/utdeling av bokpakker
Det vart ikkje delt ut Målpris eller Målblom i 2024, og ikkje delt ut bokpakker til skular eller barnehagar.
Økonomi
Eigenkapitalen ved årsskiftet var 35 168 kroner. Rekneskapen vart gjort opp med eit underskot på 15 900 kroner. Laget har 45 aksjar i Dag og Tid.
Takk
Voss Sparebank har sponsa Voss mållag med 10 000 kr til eit Jon Fosse-arrangement.
Dag og Tid har gitt Voss mållag restopplaget av «Gjendiktingar» av Johannes Gjerdåker.
Medlemstal
Ved utgangen av 2024 hadde Voss mållag 309 betalande medlemer, mot 311 i 2023 og 296 i 2022.
Noregs Mållag har pr. 1. januar 2025 heile 16 378 medlemer, og fekk 1 247 nye medlemer i fjor.