Alf Jansen miste livet i ei ulukke 1. april. Med det har Voss mållag mist ein god og tydeleg leiar, som vil verta sakna av medlemmane i laget.

Alf kom inn i styret i Voss mållag i 2013. Det fyrste året delte han leiarvervet med Knut Farestveit, men frå årsmøtet 2014 var Alf leiar åleine. For Alf var nynorsk eit spørsmål om rettferd, identitet og kultur. Han brukte bokmål gjennom heile utdanninga si, men vart nynorskbrukar frå 25-årsalderen.

Sylvsmidja fekk utdelt Målprisen 2016 i samband med Voss mållag sitt årsmøte.

Grunngjeving er mellom anna at Sylvsmidja no brukar nynorsk konsekvent, etter ein kortare periode med bokmål, i brevbyte og all marknadsføring. Sylvsmidja er ei vellukka verksemd som profilerer seg nasjonalt i riksmedia, vekeblad og i digital reklame. Dermed knyter dei nynorsk til kvalitet, tradisjon og moderne design frå Voss.

Voss mållag ber inn til foredrag og allsong med Terje Aarset, forfattar av «Den nynorske songskatten» i Olavsalen på Voss folkehøgskule, tysdag 1. mars kl. 19.00

I samband med tilskipinga vert det òg utdeling av Målprisen og Målblomen.

Ope for alle. Billett kr  100,-

Tilskiparar: Voss mållag, Voss Høgskulelag

Årsmøte i Voss mållag

Voss mållag held årsmøte tysdag 1. mars, kl 20.30 i Olavssalen på Voss folkehøgskule.

Vanlege årsmøtesaker. Saker som medlemmer vil ha handsama på årsmøtet, må vera styret i hende seinast 17. februar.

Voss mållag, Alf Jansen, leiar

Velkomen til foredrag om Olav H. Hauge og den nynorske dagboktradisjonen.

Foredrag ved Øystein Hide, faglitterær forfattar og omsetjar.
Tysdag 10. november kl 19
Biblioteket i Voss kulturhus

Inngang kr 150/100 (medlem)
Arr. Venelaget Olav H. Hauge i samarbeid med Voss bibliotek og Voss mållag.
Stønad frå Folkeakademiet.