Les Eirik Helleve si innleiing til utdeling av Voss mållag sin målpris som 19. november 2019 vart delt ut til Voss Sparebank. Me gratulerer nynorskbanken!

"Voss mållag deler med ujamne mellomrom ut Målprisen. Den går til personar eller verksemder som har gjort ein stor innsats for det nynorske språket, eller som bruker nynorsk på ein god og sikker måte. 

Det er ikkje vanskeleg å finna gode kandidatar til ein slik pris. Det er gledeleg at mange unge folk og nyare verksemder er sikre nynorskbrukarar. Voss mållag er ikkje åleine om å dela ut målprisar, og andre har gjeve prisar til Linda Eide, Kari Traa, Myrkdalen og Skigutane. Målprisen går denne gongen til nokon med langt lengre fartstid enn desse.

Poesikonsert med Hildegun Riise og Benedicte Maurseth

Tysdag 19/11 klokka 18 i Voss kulturhus, biblioteket.

Voss lyrikklag inviterer til poesikonsert saman med Voss mållag og biblioteket. Skodespelar Hildegun Riise les dikt av Jon Fosse, til nykomponert musikk av felespelar Benedicte Maurseth.

Av og med Linda Eide

GAMLEKINOEN

Tysdag 17. september kl. 19.00
Onsdag 18. september kl. 19.00

Endeleg kan vossingane få gleda av å oppleva Linda Eide i ei varm og vittig soloframsyning i Gamlekinoen. I Oppdrag Mottro utforskar Linda livet til si eiga mor, men òg livet på Voss og på Bjørgum, og ikkje minst det mytiske omgrepet gamle dagar. Dette er ei personleg jakt i ei felles fortid, ei tankevekkande framsyning med mat til både hjarte og hovud. Latteren sit laust, men bak den lurer også ei tåre.

NAV held språkkurs for mange av brukarane sine. Den siste tida har NAV Voss leigd inn privatskulen Metis for å halda kurs, og me undrar oss over kvifor denne privatskulen har fått lov til å halda kursa sine på bokmål. Det er mange grunnar til at dette er uheldig.