I 2016 fekk Voss kommune endeleg ein målbruksplan. Før den komande samanslåinga har Voss mållag tre ynske: 

1. Det må lagast ein eigen målbruksplan for Voss herad

Dette ynsket er sjølvforklarande. Me bur midt i eit stort nynorskområde, men nynorsk er likevel under press her. Det er flott at det nye namnet er «herad», men eit slikt namn forpliktar. Ein målbruksplan er med på å streka under at nynorsk er administrasjonsspråket i heradet. 

Voss mållag har i år òg valt ut sitat frå fire lokale ordkunstnarar. No er det sitat frå Johannes Gjerdåker, Ruth Lillegraven, Ingjald Bolstad og Hans Skjervheim som prydar dei fine krusa i ein liten og eksklusiv serie. Krusa har god kvalitet, tåler maskinoppvask og høver godt som jolegåver.

Krusa kan kjøpast hjå kasseraren i laget, Inge Draugsvoll, på Logolink i Vangsgata 26, nabobygget til Vekselbanken.

Prisen er 150 kroner per krus, eller 500 kroner for fire.
Overskotet går til drifta av laget.

I fjor vart alle krusa selde før jol. Ver raskt ute viss du vil samla ein heil serie!

Les Eirik Helleve si innleiing til utdeling av Voss mållag sin målpris som 19. november 2019 vart delt ut til Voss Sparebank. Me gratulerer nynorskbanken!

"Voss mållag deler med ujamne mellomrom ut Målprisen. Den går til personar eller verksemder som har gjort ein stor innsats for det nynorske språket, eller som bruker nynorsk på ein god og sikker måte. 

Det er ikkje vanskeleg å finna gode kandidatar til ein slik pris. Det er gledeleg at mange unge folk og nyare verksemder er sikre nynorskbrukarar. Voss mållag er ikkje åleine om å dela ut målprisar, og andre har gjeve prisar til Linda Eide, Kari Traa, Myrkdalen og Skigutane. Målprisen går denne gongen til nokon med langt lengre fartstid enn desse.

Poesikonsert med Hildegun Riise og Benedicte Maurseth

Tysdag 19/11 klokka 18 i Voss kulturhus, biblioteket.

Voss lyrikklag inviterer til poesikonsert saman med Voss mållag og biblioteket. Skodespelar Hildegun Riise les dikt av Jon Fosse, til nykomponert musikk av felespelar Benedicte Maurseth.