To av dei fremste folkemusikarane i Norden i eit unikt samarbeid: Knut Hamre frå Granvin og Sinikka Langeland frå Finnskogen. I programmet Det blå landet har dei henta fram dikt av Olav H. Hauge og Hans Børli – to lyrikarar som på kvar sin kant har fanga magien, stillheita og mystikken i naturen. Med klangen av hardingfele og kantele skapar dei eit heilt nytt lydlandskap der folkemusikk og poesi smeltar saman til noko både jordnært og tidlaust.

Tre Brør bar, torsdag 20. november kl 20

Mål- og litteraturkaféen Johannes opnar som vanleg med ein tekst av Johannes Gjerdåker, presentert av Gunnstein Akselberg. Så fylgjer ein samtale mellom Knut, Sinikka, Gunnstein og Nils Kvamsdal; ein samtale som vil gje endå større utbyte av framsyninga. Etter ein kort pause får me så verta med langt inn i Det blå landet.

Me får denne gongen besøk av Ivar Utne, namneforskar og professor emeritus i nordisk språkvitenskap ved Universitetet i Bergen. Han har i ei årrekkje forska på norske personnamn, stadnamn og namneskikkar, og er ein kjend formidlar med humor og forteljarglede. I tospann med Gunnstein Akselberg, som kan like mykje om stadnamn og etternamn, vert dette absolutt ein kveld for alle som har eit namn… Og i tillegg vert det mykje anna aktuelt og interessant målstoff denne kvelden. Og me toppar det heile med allsong av kjende og kjære nynorske songar!

Eirik Helleve er gjest i ei ny utgåve av mål- og litteraturkaféen Johannes. I samtale med Gunnstein Akselberg og Nils Kvamsdal får han denne kvelden høve til å gå i djupna på spanande tema og historier frå utvandringa som du ikkje visste om.

Torsdag 28. august kl. 20.00 er det klart ein ny runde med Mål- og litteraturkaféen Johannes! Me startar sterkt med duoen Annlaug Børsheim og Olav Tveitane (song og diverse strengeinstrument) som tolkar vakre og slitesterke songar av Robert Burns i Johannes Gjerdåker si uforliknelege gjendikting.